كشفت تحقيقات نيابة التجمع، تفاصيل اعترافات المتهم، بإنهاء حياة أسرة النرجس بالتجمع، الذي روى أمام جهات التحقيق تحركاته عقب ارتكاب الجريمة، بدءًا من محاولاته إخفاء الجثامين داخل السيارة، مرورًا بتغيير ملابسه والتخلص من آثار الدماء، وصولًا إلى تفكيك السلاح المستخدم في الواقعة وتنظيفه، في سلسلة من التصرفات التي رصدها المتهم تفصيليًا خلال التحقيقات.
ج: ساعتها مشيت بسرعة جنونية لحد ما أخدت اللفة بتاعة الطريق، ومشيت لحد ما قابلت يافطة مكتوب عليها العين السخنة والقاهرة، فدخلت الدخلة بتاعة القاهرة.
ج: أول ما نزلت الطريق لقيت حفرة وقمت ومقف العربية وغطيتها بمشمع بلاستيك لونه أبيض، وساعتها وقفت ونزلت.
ج: أخدته علشان أغطي بيه العربية، وفعلاً جبت المشمع وغطيته.
ج: علشان الناس في الشارع والعربيات حواليا ما ياخدوش بالهم إن فيه جثث في العربية.
ج: جبت شيكارة أسمنت وحطيتها على المدعوة أمل.
ج: لفيت من جنب البيت من ورا، وروحت ركنت العربية اللي فيها أمل والبنتين جنب البيت بشوية، ونزلت أنا على رجلي ومشيت ناحية بيت أسامة على أساس أني أدخل آخذ الفلوس والذهب وأمشي.
ج: لما وصلت هناك الشارع كان فيه حركة والبواب كان موجود قدام البيت، وساعتها معرفتش أدخل البيت أسرق منه حاجة.
ج: رحت راكب عربيتي ورجعت تاني مكان ما سبت العربية اللي فيها أمل والبنات.
س: ماذا فعلت بالسيارة التي كانت بها الجثامين؟
ج: نزلت من العربية بتاعتي وطلعت غطا العربية من الشنطة عندي، ورحت مغطي بيه العربية اللي فيها الجثث علشان محدش يشوفهم.
ج: قلت خلاص هستنى، وكده كده في أي وقت، لو كمان شوية، أدخل ومعايا المفاتيح بتاعة البيت.
ج: روحت وبدلت بلبس أبيض وبنطلون جينز، وروحت قالع الهدوم اللي عليا وغيرت.
ج: دخلت في أحد الكافيهات اشتريت علبة سجاير وكوباية قهوة دوبل.
ج: أول ما طلعت البيت حطيت هدومي على طول في الغسالة.
ج: مسكت السلاح اللي قتلتهم بيه، وحطيت طبق ومليته ميه وصابون، وفكيت السلاح كله حتة حتة.
ج: حطيت السلاح مفكوك ونقعته من غير فرشة أو أي حاجة.
ج: خرجت قطع السلاح واحدة واحدة، نشفتها من المية، ورشيت عليها إسبراي الخاص بتنظيف السلاح.
ج: فضلت سايبه مفكوك علشان مينفعش أركبه بعدها على طول، علشان الزيت لازم على الأقل يسيب يوم مثلاً.
