دعمت الفنانة غادة عبد الرازق، المنتخب المصري بكلمات مؤثرة خلال الساعات القليلة الماضية، وذلك عقب خروجه من الدور الـ 16 لمنافسات كأس العالم 2026، عقب فوز منتخب الأرجنتين بفارق 3 أهداف.
وكتبت غادة عبد الرازق، عبر حسابها على «إنستجرام»، : «مهما كانت الظروف أو القرارات التحكيمية اللي عاندتنا في الملعب أنتم نزلتوا ولعبتوا بروح كل مصرى شريف، وحاربتوا لآخر ثانية وده في حد ذاته مكسب وفخر لينا كلنا مصر دايماً ولادة بأبطالها».
وأضافت: «اللى حصل دة يقوينا ويخلينا نفهم قد ايه مصر ومنتخبها مكانهم ومستواهم كبير، وعظيم فشكرا لمنتخب مصر العظيم فنيين وقادة ولاعبين وتحيا مصر أم الدنيا».
وفي السياق، أشاد حسام حسن، المدير الفني لمنتخب مصر، بالمنتخب الوطني رغم خروجه من بطولة كأس العالم 2026، وقال في تصريحاته عقب المباراة: «كنا الأفضل، واللي حصل كان فيه ظلم لينا، كان لينا ركلة جزاء واضحة، وكمان اتلغى لنا هدف مش مفهوم إلغاؤه».
وأضاف: «إحنا كنا بنواجه بطل العالم، وممكن يكون فيه جوانب تسويقية علشان استمرار ميسي وحامل اللقب في البطولة، لكن أنا فخور باللاعبين وباللي قدموه».
وواصل مدرب منتخب مصر:«بشكر كل اللاعبين، لأن في أوقات كتير بتتعب وتجتهد وتعمل اللي عليك، لكن بتقابلك ظروف خارجة عن إرادتك، كان نفسنا نفرح الجماهير، وأنا بكره الخسارة، خصوصًا لما تكون خسارة فيها ظلم».
وأوضح حسام حسن: «كان فيه حاجات تانية غير الجانب الفني أثرت على المباراة، إحنا واجهنا بطل العالم، وكنا بنحاول نفرض أسلوبنا، لكن فيه عوامل سلبية أثرت على النتيجة».
وواصل: «أكبر الأخطاء إنك ما تاخدش حقك من أطراف تانية، لكن أنا سعيد جدًا بأداء اللاعبين، اللي قدموه كان شرف لينا ولمصر وللعرب وأفريقيا».
ووجه حسام حسن رسالة إلى الجماهير المصرية قائلًا: «أنا آسف، كنت أتمنى نكمل ونوصل لأبعد نقطة، لكن ما تزعلوش، إحنا عملنا منتخب يشرف مصر في وقت قصير، وطموحي مالوش حدود، وعايزين نكمل ونثبت نفسنا، إحنا دخلنا عمق الكرة العالمية ومبقيناش بنخاف من أي منتخب».
اقرأ أيضاًرسالة دعم مؤثرة من يوسف الشريف لـ هبة مجدي تشعل التفاعل على السوشيال ميديا
«صوت مصر» يعود إلى الدوحة.. أنغام تستعد لحفل استثنائي في أكتوبر
ياسمين رئيس تُنقذ محمد إمام وتوافق على المشاركة في «شمس الزناتي»
