كشف الإعلامي أحمد شوبير عن السبب الحقي وراء غياب اللاعب أحمد فتوح ظهير أيسر الزمالك عن المباراتين الأخيرتين للفريق.
وقال شوبير عبر قناة النهار :"أحمد فتوح وسر غيابه عن المباريات أو المباراتين اللي فاتوا، يعني هو في مباراة السويس بتروجيت، لأنه في كلام كتير بيتقال: هو سخن، جاله سخونة شوية، فما كانش حالة تسمم زي ما البعض قال".
وأضاف: "الدكتور قال لأ، أحسن يروح، مفيش مشاكل، وخد دوا، وبعدين تاني يوم حضر التمرين عادي".
وتابع: "وبعدين في اللي بعد كده، وهو بيتمرن، جاتله كدمة في صوابع رجله، فبقت صوابع رجله وارمة ومش قادر يلبس حذاء الكورة".
وأردف: "فاتشال كمان من الماتش، وبالتالي هيشوفوا بكرة شكله عامل إزاي ورجله عاملة إزاي".
وأوضح موقف اللاعب من المشاركة في المباراة المقبلة قائلاً: "لو قدر يلبس حذاء الكورة، هيبقى موجود في الفرقة، ولو مقدرش يلبس الحذاء، هيبقى خارج مباراة أبو قير للأسمدة يوم الثلاثاء".
وشدد شوبير على أن الإصابة بسيطة، قائلاً: وبالتالي الصباع بتاع رجله وارم، فمش هيبقى في مشكلة".
واختتم :"حتى لو استمر غيابه شوية، فهو لا متمارض ولا عنده مشاكل، هي قصة التجديد دي بقى قصة طويلة، هبقى أحكي لحضراتكم فيها بعدين".
